Samvinna heimilis og skóla

Jákvæð áhrif á matarvenjur barna

Kæru foreldrar og forráðamenn,

Á næstu mánuðum mun Í mat beita sér fyrir bættum skólamáltíðum, matseðlagerð og auka

fræðslu í samstarfi við næringarfræðinga . Verkefnið er hugsað til að auka upplýsingar til

foreldra varðandi næringu og matarvenjur sem og bæta upplifun barna að skólamat.

Í mat vinnur út frá ráðleggingum frá Embætti landlæknis þar sem leitast er eftir að hafa

skólamáltíðir fjölbreyttar og næringarríkar eins og hægt er. Boðið er upp á grænmeti, ávexti,

heilkorn, prótein og góðar fitur sem hjálpa börnum að vaxa og þroskast, viðhalda orku yfir

daginn og styðja við einbeitingu og vellíðan.

Við vitum að foreldrar leggja grunninn að matarvenjum barnanna. Þegar fjölskyldan

borðar saman, sýnir áhuga á fjölbreyttum mat og talar jákvætt um að prófa nýtt, lærir barnið

að tengja mat við gleði og öryggi. Börn læra það sem þau sjá og heyra, líka þegar kemur að

mat. Þess vegna skiptir miklu máli að skilaboðin um næringu séu jákvæð bæði heima fyrir og

í skólanum. Þegar börn sjá svipaðar áherslur heima, til dæmis með því að fá ávöxt með

nestinu eða vatn í drykkjarflöskuna, verða góðar venjur fljótt að sjálfsögðum hluta dagsins.

Rannsóknir sýna að fjölskyldumáltíðir eru góð forvörn gegn áhættuhegðun ungmenna.

Samtöl við matarborðið geta styrkt tilfinningagreind barna, auk þess sem slíkar máltíðir

tengjast heilbrigðari matarvenjum til framtíðar.

Markmiðið er að saman getum við skapað jákvætt næringar umhverfi fyrir börnin, þar

sem skóli og heimili vinna í sameiningu að því að kenna og styrkja hollustu og jákvætt

viðhorf til matar.

Takk fyrir að taka þátt í því að styðja börnin og byggja upp gott samband við mat með okkur.